ಕಲಿಗಾಲ

ವಿಸ್ಮಯವೇನೋ ಇದು - ನನ್ನ ನಿನ್ನ ಮಿಲನ
ವಾರೆಗಣ್ಣನೋಟ, ಪಿಸುಮಾತು, ಲಜ್ಜೆ ,ತುಂಬು ಸಡಗರದ ನಡುವೆ
ಹರುಷವೇ ಮನೆಮಾಡಿತ್ತು ಮನದಿ ನಮ್ಮ ವಿವಾಹದಂದು

ವಿಪರ್ಯಾಸವೇನೋ - ಇದು ನನ್ನ ನಿನ್ನ ಕದನ
ವಾದ ವಿವಾದ, ಸಿಡುಕು, ಮುನಿಸು, ಭಿನ್ನಾಭಿಪ್ರಾಯವೆಲ್ಲಾ ಸೇರಿ
ದಡ ಸೇರದ ದೋಣಿಯಾಯ್ತು ನಮ್ಮ ಬಾಳು

ವಿಧಿಯಾಟವೇನೋ ಇದು - ನನ್ನ ನಿನ್ನ ವಿಚ್ಛೇದನ
ರಣರಂಗದಲ್ಲಿರುವಂಥ ದ್ವೇಷ, ದರ್ಪ, ಅಸೂಯೆ, ದುರಭಿಮಾನಗಳ ನಡುವೆ
ಹತ್ಯೆಯಾಗಿತ್ತು ಸುಖ ಸಂತೋಷ ನಮ್ಮ ಒಡಲಾಳದಲ್ಲಿ

ಇದು ನಾನು ನನ್ನ ಗೆಳತಿ ಇಂದುಶ್ರೀ analog communication theory class ಅಲ್ಲಿ ಬರೆದಿದ್ದು... ಹಾಗಾಗಿ ಇದರ ಕ್ರೆಡಿಟ್ ಇಬ್ಬರಿಗೂ ಸೇರುತ್ತೆ....

ಓ ಪ್ರಿಯತಮ

ನೋಟದಲ್ಲೇ ಸೆಳೆದೆ ನನ್ನ ಮನಸ್ಸನ್ನು ನೀ
ಮಾತಿನಲ್ಲಿ ಮರೆಸಿದೆ ನನ್ನನ್ನು ನೀ
ತಿಳಿಯದೆ ಕದ್ದೆ ನನ್ನ ಹೃದಯವನ್ನು ನೀ
ಇನ್ನೇನು ಮೋಡಿ ಮಾಡುವೆ ನನ್ನ ಮೇಲೆ ನೀ !!

ಆಸೆಯ ಮಳೆಯಲ್ಲಿ ಕುಣಿದಾಡಿದೆ ಅಂದು
ಕಳೆದು ಹೋದೆ ಕನಸಿನ ಲೋಕದಲ್ಲಿ ಇಂದು
ಹೇಳಲು ಬಯಸಿದೆ " ನಾ ನಿನ್ನವಳು" ಎಂದೆಂದು
ನನ್ನನ್ನು ತಿಳಿಯುವೆಯ ನೀ ಎಂದು??